उसवलेल्या नात्यांचे धागे



उसवलेल्या नात्यांचे धागे

घरट्यातून उडून पिल्लू 
आज खूप आलंय दूर
पण अजूनही गवसला नाही मला
या जगण्याचा सूर

बळ दिलत पंखात तुम्ही

गगनभरारी घेण्यास 
पण पिल्लू ताडफडतय ना
पुन्हा घरट्यात येण्यास

आई तुझ्या कुशीत फक्त

एकदा मला निजूदे 
तुझ्या मायेच्या पावसात
ओलचिंब भिजुदे

बापू तुम्ही पुन्हा एकदा 

माझ्यावर ओरडा
माझ्या उज्वल भविष्यासाठीच
घसा केलंत ना कोरडा

आजीच्या ओव्या आणि गोष्टीने

तृप्त व्हायचे कान
आता कसं सून सून आहे
हे आनंदाचे रान

तू आवडीने मला जेव्हा

 म्हणायचास आबा
आपल्या भावा भावाच्या
नात्याचा गूढ होता गाभा

"आजोबा" हा फक्त 

शब्दच पडला कानावर 
बहिणीच्या नसण्याची अजून
खंत आहे मनावर

क्षण निघून जातात आणि

आठवणी राहतात मागे
सांगा ना कसे सांधावेत हे
उसवलेले नात्यांचे धागे

 अजय दत्तात्रय चव्हाण

 उर्फ (राहुल)
  *खाकी वर्दीतला दर्दी कवी*
मो.8424043233

टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

सेवानिवृत्ती समारंभ

इमेज
सेवानिवृत्ती समारंभ लहानपणीच होती खरी शिक्षणाची मजा रे आमचे सर्वांचे लाडके असे सर रवींद्र हजारे इंग्रजी म्हटलं की अंगावर यायचा काटा आपणच खुल्या केल्या आम्हास  भविष्याच्या असंख्य वाटा मुख्याध्यापक म्हणून आज तुम्ही होणार निवृत्त काळीज हलून गेलं सर ऐकून हे वृत्त आपलीशी वाटते अजूनही सर ही रयत शिक्षण संस्था अजूनही कमी झाली नाही अजून न्यू इंग्लिश स्कूल भोळीची आस्था तुमच्या शिक्षणरूपी वल्हयाने आयुष्याची वल्हवली होडी अजूनही आठवते आम्हास हातावरची निरगुडी छडी सारंच आठवतं सर पण बोलवत नाही आता बघा ना थोडा संथ झालाय हा हृदयाचा पाता पुष्पगुच्छ तुमच्या हाती अन टाळ्यांचा गडगडाट होईल बघा सर आता अश्रूंनाही कशी मोकळी वाट होईल पुढील आयुष्यास शुभेच्छा तुम्हास तुमचा प्रवास सुखाचा होवो तुम्ही घडवलेला विदयार्थी सर लाख मोलाचा होवो तुम्ही घडवलेला विदयार्थी सर लाख मोलाचा होवो अजय दत्तात्रय चव्हाण उर्फ राहुल  खाकी वर्दीतील दर्दी कवी 💐💐💐💐💐💐
अधिक वाचा

दुनियेची रीत

इमेज
*दुनियेची रीत* जिंकून सुद्धा कधी कधी नियतीपुढं हरावं लागत गुन्हा नसताना ही कधी कधी आपल्याला दोषी ठराव लागतं मागूनही मिळत नाही अन  हिसकावून ही घेता येत नाही पेरावा जीवनात आनंद जरासा असे सुपीक कुठे शेत नाही आपलंच खरं म्हणणाऱ्यांच्या दुनियेत सत्य मात्र टिकत नाही आपल्याला सल्ले देणाऱ्यांचे मात्र कधीच चुकत नाही समजावून सांगता सांगता आपल्या डोक्याचं होत भरीत चांगल्या गोष्टींची टर उडविणे हीच तरी खरी दुनियेची रीत जाराश्या गोष्टीने आजकाल ही दुखावली जातात मनं समजून घेणारं कोण नसत म्हणून आतून घुसमटत हे जिणं ओरडून ओरडून सांगूनही समोरच्याला समजत नाही म्हणूनच आजकाल सहसा कुणाशी माझं जमतं नाही ✍✍✍✍✍✍ अजय दत्तात्रय चव्हाण उर्फ (राहुल) खाकी वर्दीतील दर्दी कवी मो.8424043233
अधिक वाचा