बंड

 बंड

जराशी लिखाणात मी
पडलो थोडासा थंड
शब्दांनी पुकारलं 
माझ्याविरुद्ध बंड

म्हणे तू आम्हाला आता
कवितेत का नाही मांडत
बसले नां राव ते चक्क 
माझ्याशीच भांडत

तूच लावली सवय आम्हाला
एका पंक्तीत बसायची
माझी बाराखडीची लेकरे
कवितांच्या कुशीत हसायची

आम्हाला अनोखं रूप दिलं  
ते होते साहित्यिक संत साधु
तुझ्याही लेखणीत आहे
अशीच काहीशी जादू

तू गुंफत जा शब्दांना
कवितांच्या सुरेख माळेत
असले अनुभव मिळतात 
फक्त आयुष्याच्या शाळेत

तुझ्या लेखणीच्या स्पर्शाने
आम्हा मिळते सोनेरी किनार 
एक दिवस नक्कीच मित्रा 
तू खूप मोठा कवी होणार
✍️✍️✍️✍️✍️✍️✍️
PSI अजय दत्तात्रय चव्हाण
खाकी वर्दीतील दर्दी कवी
मो:8424043233

टिप्पण्या

Unknown म्हणाले…
खूप छान कविता आहेत सर तुमच्या अप्रतिम...👌❤️
२३ एप्रिल, २०२३ रोजी ७:५८ PM
Mahesh Landage म्हणाले…
व्वा..व्वा..क्या बात है..खूपच सुंदर ����
२३ एप्रिल, २०२३ रोजी १०:२३ PM
टिप्पणी पोस्ट करा

या ब्लॉगवरील लोकप्रिय पोस्ट

सेवानिवृत्ती समारंभ

इमेज
सेवानिवृत्ती समारंभ लहानपणीच होती खरी शिक्षणाची मजा रे आमचे सर्वांचे लाडके असे सर रवींद्र हजारे इंग्रजी म्हटलं की अंगावर यायचा काटा आपणच खुल्या केल्या आम्हास  भविष्याच्या असंख्य वाटा मुख्याध्यापक म्हणून आज तुम्ही होणार निवृत्त काळीज हलून गेलं सर ऐकून हे वृत्त आपलीशी वाटते अजूनही सर ही रयत शिक्षण संस्था अजूनही कमी झाली नाही अजून न्यू इंग्लिश स्कूल भोळीची आस्था तुमच्या शिक्षणरूपी वल्हयाने आयुष्याची वल्हवली होडी अजूनही आठवते आम्हास हातावरची निरगुडी छडी सारंच आठवतं सर पण बोलवत नाही आता बघा ना थोडा संथ झालाय हा हृदयाचा पाता पुष्पगुच्छ तुमच्या हाती अन टाळ्यांचा गडगडाट होईल बघा सर आता अश्रूंनाही कशी मोकळी वाट होईल पुढील आयुष्यास शुभेच्छा तुम्हास तुमचा प्रवास सुखाचा होवो तुम्ही घडवलेला विदयार्थी सर लाख मोलाचा होवो तुम्ही घडवलेला विदयार्थी सर लाख मोलाचा होवो अजय दत्तात्रय चव्हाण उर्फ राहुल  खाकी वर्दीतील दर्दी कवी 💐💐💐💐💐💐
अधिक वाचा

दुनियेची रीत

इमेज
*दुनियेची रीत* जिंकून सुद्धा कधी कधी नियतीपुढं हरावं लागत गुन्हा नसताना ही कधी कधी आपल्याला दोषी ठराव लागतं मागूनही मिळत नाही अन  हिसकावून ही घेता येत नाही पेरावा जीवनात आनंद जरासा असे सुपीक कुठे शेत नाही आपलंच खरं म्हणणाऱ्यांच्या दुनियेत सत्य मात्र टिकत नाही आपल्याला सल्ले देणाऱ्यांचे मात्र कधीच चुकत नाही समजावून सांगता सांगता आपल्या डोक्याचं होत भरीत चांगल्या गोष्टींची टर उडविणे हीच तरी खरी दुनियेची रीत जाराश्या गोष्टीने आजकाल ही दुखावली जातात मनं समजून घेणारं कोण नसत म्हणून आतून घुसमटत हे जिणं ओरडून ओरडून सांगूनही समोरच्याला समजत नाही म्हणूनच आजकाल सहसा कुणाशी माझं जमतं नाही ✍✍✍✍✍✍ अजय दत्तात्रय चव्हाण उर्फ (राहुल) खाकी वर्दीतील दर्दी कवी मो.8424043233
अधिक वाचा