पोलीस

 मी तर आहे एक
सामान्य पोलीस......... 

सण उत्सव साजरे
करतात लोक सारे
पोलीस मात्र देतात
 रात्रंदिवस पहारे
                   समाज रक्षणासाठी
                   शक्ती सारी दिलीस........
                   मी तर आहे एक सामान्य पोलीस..

कधी दंगली कधी जाळपोळ
तर कधी होतात बॉम्बस्फोट जबरी
दरवेळी वाट पाहतात आमची
आव्हानाने खोदलेल्या कबरी
                  या आव्हानांसाठी जिद्द ही
                  पराकोटीला नेलीस.....
                  मी तर आहे एक सामान्य पोलीस..

संसार आधी की
कर्तव्य आधी
मनात दुविधा असते
मरणाला कवटाळतो आम्ही
इच्छा आमची विधवा असते
                 अशी का भावनांची
                  होळी तू केलीस.....
                  मी तर आहे एक सामान्य पोलीस..

लहान बछडी पाहतात वाट
पप्पा कधी येणार
कर्तव्याच्या सीमा अफाट
 नाती कशी जपणार
                    अशी का असावे तू
                     दु:खासोबत पीलीस......
                      मी तर आहे एक सामान्य पोलीस..


अजय दत्तात्रय चव्हाण
उर्फ (राहुल)
खाकी वर्दीतील दर्दी कवी
8424043233

टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

सेवानिवृत्ती समारंभ

इमेज
सेवानिवृत्ती समारंभ लहानपणीच होती खरी शिक्षणाची मजा रे आमचे सर्वांचे लाडके असे सर रवींद्र हजारे इंग्रजी म्हटलं की अंगावर यायचा काटा आपणच खुल्या केल्या आम्हास  भविष्याच्या असंख्य वाटा मुख्याध्यापक म्हणून आज तुम्ही होणार निवृत्त काळीज हलून गेलं सर ऐकून हे वृत्त आपलीशी वाटते अजूनही सर ही रयत शिक्षण संस्था अजूनही कमी झाली नाही अजून न्यू इंग्लिश स्कूल भोळीची आस्था तुमच्या शिक्षणरूपी वल्हयाने आयुष्याची वल्हवली होडी अजूनही आठवते आम्हास हातावरची निरगुडी छडी सारंच आठवतं सर पण बोलवत नाही आता बघा ना थोडा संथ झालाय हा हृदयाचा पाता पुष्पगुच्छ तुमच्या हाती अन टाळ्यांचा गडगडाट होईल बघा सर आता अश्रूंनाही कशी मोकळी वाट होईल पुढील आयुष्यास शुभेच्छा तुम्हास तुमचा प्रवास सुखाचा होवो तुम्ही घडवलेला विदयार्थी सर लाख मोलाचा होवो तुम्ही घडवलेला विदयार्थी सर लाख मोलाचा होवो अजय दत्तात्रय चव्हाण उर्फ राहुल  खाकी वर्दीतील दर्दी कवी 💐💐💐💐💐💐
अधिक वाचा

दुनियेची रीत

इमेज
*दुनियेची रीत* जिंकून सुद्धा कधी कधी नियतीपुढं हरावं लागत गुन्हा नसताना ही कधी कधी आपल्याला दोषी ठराव लागतं मागूनही मिळत नाही अन  हिसकावून ही घेता येत नाही पेरावा जीवनात आनंद जरासा असे सुपीक कुठे शेत नाही आपलंच खरं म्हणणाऱ्यांच्या दुनियेत सत्य मात्र टिकत नाही आपल्याला सल्ले देणाऱ्यांचे मात्र कधीच चुकत नाही समजावून सांगता सांगता आपल्या डोक्याचं होत भरीत चांगल्या गोष्टींची टर उडविणे हीच तरी खरी दुनियेची रीत जाराश्या गोष्टीने आजकाल ही दुखावली जातात मनं समजून घेणारं कोण नसत म्हणून आतून घुसमटत हे जिणं ओरडून ओरडून सांगूनही समोरच्याला समजत नाही म्हणूनच आजकाल सहसा कुणाशी माझं जमतं नाही ✍✍✍✍✍✍ अजय दत्तात्रय चव्हाण उर्फ (राहुल) खाकी वर्दीतील दर्दी कवी मो.8424043233
अधिक वाचा