कधी चांदण्या रात्रीत.....



                     कधी चांदण्या रात्रीत.....

कधी चांदण्या रात्रीत 
मी एकटाच बसतो
कधी तारकांकडे पाहून
खुदकन हसतो
तर कधी माझ्यातच नसतो

निळ्या आकाशी कधी 
अगणित तारका मोजतो
कधी अश्रूमध्ये चिंब भिजतो

एक तारा नकळत तुटत होता
कधी अश्रू वाटत होता
पण विसरू वाटत नव्हता

म्हणे तुटणाऱ्या ताऱ्याला
मागितल्यास मनातील इच्छा पूर्ण होते
म्हणून मीही डोळे मिटले
अन मनात म्हटले
जोपर्यंत आहेत चंद्र तारे
तोपर्यंत असावे प्रेम सारे

चंद्र कधी स्वप्नाच्या ढगाआड लपत होता
तर कधी आठवणी जपत होता
दिवसा झोपत होता आणि
रात्री जागत होता

चंद्र असा का वागतो
रात्र रात्र का तो जागतो
माझंच मुख का तो बघतो

कारण......

त्याला देखील तुझाच हाव आहे
ओठावर देखील तुझचं नाव आहे
जो तुझा तोच त्याचा गाव आहे
तो चंद्र म्हणजेच तुझा अजयराव आहे........


अजय द चव्हाण 
उर्फ राहुल 
खाकी वर्दीतील दर्दी कवी
8424043233

टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

सेवानिवृत्ती समारंभ

इमेज
सेवानिवृत्ती समारंभ लहानपणीच होती खरी शिक्षणाची मजा रे आमचे सर्वांचे लाडके असे सर रवींद्र हजारे इंग्रजी म्हटलं की अंगावर यायचा काटा आपणच खुल्या केल्या आम्हास  भविष्याच्या असंख्य वाटा मुख्याध्यापक म्हणून आज तुम्ही होणार निवृत्त काळीज हलून गेलं सर ऐकून हे वृत्त आपलीशी वाटते अजूनही सर ही रयत शिक्षण संस्था अजूनही कमी झाली नाही अजून न्यू इंग्लिश स्कूल भोळीची आस्था तुमच्या शिक्षणरूपी वल्हयाने आयुष्याची वल्हवली होडी अजूनही आठवते आम्हास हातावरची निरगुडी छडी सारंच आठवतं सर पण बोलवत नाही आता बघा ना थोडा संथ झालाय हा हृदयाचा पाता पुष्पगुच्छ तुमच्या हाती अन टाळ्यांचा गडगडाट होईल बघा सर आता अश्रूंनाही कशी मोकळी वाट होईल पुढील आयुष्यास शुभेच्छा तुम्हास तुमचा प्रवास सुखाचा होवो तुम्ही घडवलेला विदयार्थी सर लाख मोलाचा होवो तुम्ही घडवलेला विदयार्थी सर लाख मोलाचा होवो अजय दत्तात्रय चव्हाण उर्फ राहुल  खाकी वर्दीतील दर्दी कवी 💐💐💐💐💐💐
अधिक वाचा

दुनियेची रीत

इमेज
*दुनियेची रीत* जिंकून सुद्धा कधी कधी नियतीपुढं हरावं लागत गुन्हा नसताना ही कधी कधी आपल्याला दोषी ठराव लागतं मागूनही मिळत नाही अन  हिसकावून ही घेता येत नाही पेरावा जीवनात आनंद जरासा असे सुपीक कुठे शेत नाही आपलंच खरं म्हणणाऱ्यांच्या दुनियेत सत्य मात्र टिकत नाही आपल्याला सल्ले देणाऱ्यांचे मात्र कधीच चुकत नाही समजावून सांगता सांगता आपल्या डोक्याचं होत भरीत चांगल्या गोष्टींची टर उडविणे हीच तरी खरी दुनियेची रीत जाराश्या गोष्टीने आजकाल ही दुखावली जातात मनं समजून घेणारं कोण नसत म्हणून आतून घुसमटत हे जिणं ओरडून ओरडून सांगूनही समोरच्याला समजत नाही म्हणूनच आजकाल सहसा कुणाशी माझं जमतं नाही ✍✍✍✍✍✍ अजय दत्तात्रय चव्हाण उर्फ (राहुल) खाकी वर्दीतील दर्दी कवी मो.8424043233
अधिक वाचा