खाकी वर्दीतील दर्दी कवी

* व्यथा जवानांची* याच्या भावना झाल्या अनावर नुसतं हिसक्या मारतय जनावर जोपर्यंत नाही येत बदली तोपर्यंत नाही येणार भानावर हंबरडा फोडतंय मन ओरडून ओरडून सांगतंय माझं दावं सोडा एकदा नुसतं गुरकावून बघतय भावना दाबून मनात बसलंय माती उकरीत कधी एकदा बदली येतेय आता या नोकरीत या जनावरास ही आता मायेचा पान्हा फुटलाय एक एक दिवस मोजणं अक्षम्य गुन्हा वाटलाय... ✍✍✍✍✍✍ अजय दत्तात्रय चव्हाण उर्फ (राहुल) खाकी वर्दीतील दर्दी कवी मो.8424043233

*सोनेरी हृदयाचे सोनेरी व्यक्तिमत्त्व* सोनेरी हृदयाचे जणू असे हे सोनेरी व्यक्तिमत्त्व पोलीस खात्यास मिळाले सुरेख माणुसकीचे सत्व साहेब म्हणजे आपलेपणा जपणारा एक आपुलकीचा झरा गर्व आणि अहंकाराचा  कुठेही ना लवलेश  जरा तळागळातील शिपायांची ही अंतर्मनातून करतात कदर म्हणूनच अश्या देवमाणसाचा आमच्या हृदयात आहे आदर आशीर्वाद असतो पाठीशी अन पाठीवर कौतुकाची थाप पोलीस महासंचालक म्हणजे  जणू पोलीस खात्याचे बाप मन पर्वताएवढं मोठं आहे काळीज समुद्रासारखं  विशाल भरकटणाऱ्यांना मार्ग दाखवणारी साहेब म्हणजे पेटती मशाल आम्हीही शोधत असतो अश्या देवमाणसास भेटण्याचे बहाणे परिसस्पर्श व्हावा आपला अन या हि लोखंडाचे व्हावे सोने कुठवर नखलून काढावेत साहेब या मनातील इच्छेचे खपले देवापेक्षा ही बहुतेक सर दुर्मिळ झालयं दर्शन आपले देवापेक्षा ही बहुतेक सर दुर्मिळ झालयं दर्शन आपले ✍✍✍✍✍✍✍ अजय दत्तात्रय चव्हाण उर्फ (राहुल) खाकी वर्दीतील दर्दी कवी मो.8424043233

वृद्धाश्रम आयुष्यभर ज्यांनी आपल्यासाठी उपसले कष्ट परिश्रम उर का दडपत नाही त्यांना दाखवताना वृद्धाश्रम  आपल्याच पोटचा गोळा तो सुरेख आकार देऊन घडवला बळ येताच पंखात जीर्ण देह  का वृद्धाश्रमात सडवला आपलाही प्रवास आहे  त्याच खडतर वाटेवरून पुन्हा साद द्या त्यांना  या हृदयाच्या लाटेवरून  आयुष्यभर झिजलेल्या देहास एका क्षणात जातो तडा अश्रूंच सिंचन त्यावर  दुःखाचा विरक्त सडा ज्यांनी जीव लावला तुम्हास त्यांनाच आहे तुमचा लळा चेहऱ्यावरच्या सुरकुत्यांवर  हास्याचा फुलूवा मळा लटपटणाऱ्या पावलांना त्यांच्या दाखवा आशेचा किरण आपलं म्हणून स्वीकारा पुन्हा चुकलंय का कुणाला मरण.... ✍✍✍✍✍✍ अजय दत्तात्रय चव्हाण उर्फ (राहुल) खाकी वर्दीतील दर्दी कवी मो. 8424043233

पावसाची गंमत ढगांच गडगडणं  पाखरांच फडफडणं ढगांच्या आवाजाने हृदयाचं धडधडणं  झाडावर घरटे घरट्यात गवत चमकणारी वीज ताऱ्यांची सवत मातीचा सुगंध  भिजलेली पाने आभाळाच्या मुखातून पावसाचे गाणे शहारलेली माती  कोलमडलेली झाडे धरणीच्या पाठीवर गारांचे सडे हिरवा शालू  धरणीला घालू अनवाणी पायाने त्यावर चालू साऱ्यांचीच दैना बोलता येईना पावसाची ओंजळ रीती होईना ✍✍✍✍✍✍ अजय दत्तात्रय चव्हाण उर्फ (राहुल) खाकी वर्दीतील दर्दी कवी मो.8424043233