लग्नाचा वाढदिवस


 

*लग्नाच्या 11 व्या वाढदिवशी लिहलेली अजून एक सुरेख  कविता खास रसिक मित्रांसाठी....*

घाईगडबडीत विसरून गेलो
आज लग्नाचा वाढदिवस चक्क
तीच तर माझ्यासाठी आहे ना
सुरेख असं माझं जग अख्ख

उजाळा देताना पुन्हा
जुन्या आठवनींना जरा
तूच तर शिकवलास मला
आयुष्याचा अर्थ खरा

चिमणा चिमणीचा संसार हा
दोन गोंडस लेकरांनी सजला
अजून काय हवे होते सांग
या छोट्याश्या जगात मजला

कसा दाखवू प्रिये तुला
तो क्षण श्वासात जपलेला
अजूनही आठवतो तो चंद्र
मुंडावळ्याआड लपलेला

झाली अकरा वर्ष पूर्ण
मान्य नाही अजून मनाला
हृदयात कोरुन ठेवलंय बघ
त्या रुपेरी स्वप्नवत क्षणाला

तू सोबत असतीस तर
फार बरं वाटलं असतं
त्या दिवशीच ते स्वप्न
आजही खरं वाटलं असतं

दिल्याच पाहिजेत तरीही लाडके
लग्नाच्या वाढदिवसाच्या शुभेच्छा तुला
आठवणींनीच्या झोक्यावरच झुलुदे
आज  सखे आनंदाचा  झुला
✍✍✍✍✍✍✍✍
अजय दत्तात्रय चव्हाण
खाकी वर्दीतील दर्दी कवी
मो.8424043233


टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

सेवानिवृत्ती समारंभ

इमेज
सेवानिवृत्ती समारंभ लहानपणीच होती खरी शिक्षणाची मजा रे आमचे सर्वांचे लाडके असे सर रवींद्र हजारे इंग्रजी म्हटलं की अंगावर यायचा काटा आपणच खुल्या केल्या आम्हास  भविष्याच्या असंख्य वाटा मुख्याध्यापक म्हणून आज तुम्ही होणार निवृत्त काळीज हलून गेलं सर ऐकून हे वृत्त आपलीशी वाटते अजूनही सर ही रयत शिक्षण संस्था अजूनही कमी झाली नाही अजून न्यू इंग्लिश स्कूल भोळीची आस्था तुमच्या शिक्षणरूपी वल्हयाने आयुष्याची वल्हवली होडी अजूनही आठवते आम्हास हातावरची निरगुडी छडी सारंच आठवतं सर पण बोलवत नाही आता बघा ना थोडा संथ झालाय हा हृदयाचा पाता पुष्पगुच्छ तुमच्या हाती अन टाळ्यांचा गडगडाट होईल बघा सर आता अश्रूंनाही कशी मोकळी वाट होईल पुढील आयुष्यास शुभेच्छा तुम्हास तुमचा प्रवास सुखाचा होवो तुम्ही घडवलेला विदयार्थी सर लाख मोलाचा होवो तुम्ही घडवलेला विदयार्थी सर लाख मोलाचा होवो अजय दत्तात्रय चव्हाण उर्फ राहुल  खाकी वर्दीतील दर्दी कवी 💐💐💐💐💐💐
अधिक वाचा

दुनियेची रीत

इमेज
*दुनियेची रीत* जिंकून सुद्धा कधी कधी नियतीपुढं हरावं लागत गुन्हा नसताना ही कधी कधी आपल्याला दोषी ठराव लागतं मागूनही मिळत नाही अन  हिसकावून ही घेता येत नाही पेरावा जीवनात आनंद जरासा असे सुपीक कुठे शेत नाही आपलंच खरं म्हणणाऱ्यांच्या दुनियेत सत्य मात्र टिकत नाही आपल्याला सल्ले देणाऱ्यांचे मात्र कधीच चुकत नाही समजावून सांगता सांगता आपल्या डोक्याचं होत भरीत चांगल्या गोष्टींची टर उडविणे हीच तरी खरी दुनियेची रीत जाराश्या गोष्टीने आजकाल ही दुखावली जातात मनं समजून घेणारं कोण नसत म्हणून आतून घुसमटत हे जिणं ओरडून ओरडून सांगूनही समोरच्याला समजत नाही म्हणूनच आजकाल सहसा कुणाशी माझं जमतं नाही ✍✍✍✍✍✍ अजय दत्तात्रय चव्हाण उर्फ (राहुल) खाकी वर्दीतील दर्दी कवी मो.8424043233
अधिक वाचा